Plantun de Prouvènço

Pèr coumpara dos planto d'encò nostre

Ceratophyllum demersum & Reynoutria japonica

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Saunouso(-dóu-Japoun)

Reynoutria japonica

Polygonaceae

Noms en français : Renouée du Japon, Renouée à feuilles pointues.

Descripcioun :
Grando erbo à port d'aubret que trachis sus li limas de flume e de ribiero (Rose, Durènço). Se recounèis à si gròssi fueio (5 à 20 cm) à baso plato (fotò) e si flour blanco. Es uno planto quàsi sènso péu. Nous vèn d'Asìo dóu levant .

Usanço :
Es uno planto que s'ameritarié d'èstre couneigudo. Li racino soun manjado au Japoun après maceracioun dins l'aigo pièi couissoun. Li tijo podon èstre pelado pièi utilisado coume li pecou de rebarbo e farcido, pièi passado au four. Li jòuini brout, cubert pèr resta blanc soun peréu manja cue o crus. En Roumanìo adoubon li "sarmale" emé li fueio dóu biais di fueio de vigno. Li cambo, boutisso, podon servi pèr faire d'instrument de musico.

Port : Aubret
Taio : 1 à 2,5(3) m
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Reynoutria
Famiho : Polygonaceae

Ordre : Caryophyllales

Coulour de la flour : Blanco
Petalo : 5
Ø (o loungour) enflourejado : 3 à 5 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas
Estànci : Termoumediterran à Mountagnard
Couroulougi : Óurigino Asìo-Èst
Ref. sc. : Reynoutria japonica Houtt., 1777 (= Fallopia japonica (Houtt.) Ronse Decr., 1988 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Ceratophyllum demersum & Reynoutria japonica

ges

Coumpara Courniflo emé uno autro planto

Coumpara Saunouso(-dóu-Japoun) emé uno autro planto